Milli maraqlara zərbə

Milli maraqlara zərbə
  • 4-07-2019, 16:10
  • 5220 dəfə oxunub

İşgəncə və repressiya, azadlıqların boğulması ilk növbədə milli maraqlara zərbədir

Və ya Əli Həsənov nəyə görə müxalifəti şantaj edir?

Əli Kərimli, AXCP sədri

Rejimin sözçüsü Əli Həsənov Gəncə hadisələrinin ildönümü ilə əlaqədar yazı yazıb. Əksər hallarda olduğu kimi, yenə də “milli maraqları” bəhanə edib, bu gözəl sözün arxasında gizlənib, ölkənin dünyəvi və demokratik müxalifətini şərləyib. Əli Həsənov bizə sual-ittiham da ünvanlayıb: “Demokratiya dəyərlərinə sadiq olduğunu iddia edən bu tipli müxalifətin əslində həmin dəyərlərə qənim kəsilənləri, radikalizmi, ifrat dini fundamentalizmi dəstəklədiyi göz önündədir. Belə olan halda, həmin müxalifətə, görəsən, hansı Azərbaycan gərəkdir? Dünyanın inkişaf etmiş ölkələri sırasında yer alan, sabit, qüdrətli və demokratik Azərbaycan, yoxsa Sudan, Somali, Liviya, Suriya və s. ölkələr kimi amansız daxili savaşın, qanlı xaosun, faciəvi vətəndaş qarşıdurmasının və terror qruplaşmalarının tüğyan etdiyi poliqon?” Əli Həsənov davam edir: “Demokrat və dünyəvi olduqlarını vurğulayanlar mövqe və demokrat prinsipiallığı nümayiş etdirərək bu tipli anti-Azərbaycan dairələrini və onların ölkəmizdəki uzantılarını qınamaq əvəzinə, terror aktlarına görə həbs olunmuş şəxsləri qəhrəmanlaşdırır, merkantil maraqların təminatı, yeni maliyyə imkanları əldə etmək naminə onları vicdan məhbusu elan edərək xüsusi siyahılara salır, azadlığa buraxılmalarına çalışırlar.”

Yazıdakı şər və böhtanla əlaqədar aşağıdakıları qeyd etmәk qərarına gəldim:

1. Gəncə hadisələrindən əvvəl də, sonra da hər fürsətdə vurğulayırıq: Terrora, separatizmə qəti qarşıyıq, silahlı mübarizəni məqsədə çatma vasitəsi kimi qəti şəkildə istisna edirik. Azərbaycan hər zaman dünyəvi və unitar dövlət olaraq qalmalıdır. Ancaq bununla kifayətlənmək olmaz, Azərbaycan həm də demokratik, hüququ, sosial rifah dövləti olmalıdır. Biz terrorçuları deyil, sadəcə razılaşdırılmamış mitinqdə iştirak etmiş və kasıbçılıq üzündən rüşvət verə bilmədiyi üçün uzunmüddətli həbs edilmiş, qeyri-insani rәftara, işgəncələrə məruz qalmış Azərbaycan vətəndaşlarını – sadə gəncəliləri müdafiə edirik. İlham Əliyevin köməkçisi bizə şər atmasın.

2. Əli Həsənova və bütövlükdə rejim mənsublarına xatırladıram: İndi xalqı qorxutduğunuz Liviya, Suriya, Sudan nümunələri məhz həmin ölkələrdə bir qrup acgöz vəzifəpərəstin ömürlük, ailə hakimiyyətləri yaratmaq istəyinin nəticəsidir. Həmin ölkələrdə də bütün repressiyalar “milli maraqlara xidmət” adı ilə aparılırdı, bütün seçkilər “dövlətçiliyə xidmət, sabitliyi qorumaq” bəhanəsilə saxtalaşdırılırdı. Vətəndaşların hüquq və azadlıqları əllərindən alınmış, müxalifət faktiki məhv edilmişdi. Vətəndaşların dinc şəkildə, konstitutsion yolla etiraz, mitinq, nümayiş etməsinə qoyulmuş əsassız qadağa həmin ölkələri əvvəlcə sosial partlayışa, sonra da vətəndaş müharibəsinə gətirib çıxardı. Real və güclü müxalifətin, azadlıqların olduğu heç bir dövlət həmin dövlətlərin taleyini yaşamır. Liviya və Suriyadakı ailə diktaturaları da elə bilirdi ki, hər cür zorakılıq və repressiyanı “dünyəvi dövləti” qorumaq bəhanəsilə əsaslandırmaq onları xilas edəcək. Alınmadı. Əli Həsənovun təmsil etdiyi hakimiyyət hüquq və azadlıqları, ilk növbədə sərbəst toplaşmaq azadlığını qadağan etməklə ölkəni sosial partlayışa sürükləyir. Başqa sözlə, rejim Azərbaycanı Suriya və Liviya yolu ilə aparmağa çalışır. Lakin xoşbəxtlikdən biz fərqli coğrafiyada yerləşirik. Avropanın qonşuluğundayıq, nə zamansa Avropa ailəsinə qoşulmaq şansımız var. Demokratik cümhuriyyət keçmişimiz, demokratiya ənənələrimiz, aktiv vətəndaş cəmiyyətimiz, gerçәk, demokratik müxalifətimiz var. Bu ölkənin demokratik və hüquqi dövlət olmasını istəyənlər mütləq əksəriyyətdir. Ona görə də əminəm ki, rejimin bütün səhvlərinə baxmayaraq biz bu ölkənin Suriya, Liviya, Sudan yolu ilə getməsinə imkan verməyəcəyik, respublika və demokratiyanı yenidən bərpa edəcəyik.

3. Elə bir Azərbaycan qurmaq istəyirik ki, orada dini inanc cinayət hesab edilməsin – eynən Avropa və ABŞ-da olduğu kimi. Dini və məzhəb mənsubiyyətindən asılı olmayaraq hər bir şəxsin vicdan azadlığı təmin olunsun. Ancaq dövlət təkcə dindar və ateistlərin deyil, hamının hüquqlarına təminat verməlidir. İnsanlar etnik, cinsi, siyasi, sosial mənsubiyyətinə görə də ayrı-seçkiliyə məruz qalmamalı, imtiyazlı və imtiyazsız təbəqələrə bölünməməlidir. Nəyə görə azərbaycanlılar indi axın etdikləri Avropa dövlətlərində gördüyü azadlıqları öz ölkəsində də təmin etməsin? Nəyə görə biz demokratik ölkələrə səfər zamanı hiss etdiyimiz kimi, özümüzü öz Vətənimizdə də azad hiss etməyək? Biz məhz buna nail olmağa çalışırıq.

4. Gəncə hadisələrindən istifadə edib, cinayət törətməmiş insanları kütləvi şəkildə həbs etmək, onlara ağlasığmaz işgəncələr vermək, bununla da cəmiyyətdə qorxu mühitini bərpa edəcəyinə ümid bәslәmək səhv siyasətdir. Bundan imtina edilməlidir. Rejim Gəncə hadisələrindən tamamilə başqa nəticələr çıxarmalı idi. Anlamalı idi ki, insanlar hüquqsuzluğa, ədalətsizliyə, kasıbçılığa artıq dözə bilmir. Xalq artıq barıt çəlləyinə bənzəyir, çarəsiz insanlar hətta zorakılığa da haqq qazandırmağa başlayır. Deməli dayanmaq lazımdır. İlk növbədə xalqa qarşı zülmü, repressiyanı dayandırmaq lazımdır. Aqressiv, qəddar, xalqın nifrət etdiyi məmurları dərhal işdən çıxarmaq lazımdır. Xalqı əzmək yox, ona qucaq açmaq lazımdır. Korrupsiya və rüşvətdən imtina etmək, xalqın sosial vəziyyətini gerçəkdən də yaxşılaşdırmaq lazımdır. Ən əsası, hüquqsuzluq ölkəni məhv edir. Təcili şəkildə siyasi islahatların önü açılmalıdır, insanların dinc etiraz etmək hüququ, seçki hüququ, söz azadlığı təmin edilməlidir.


MilliQazet.Info Son Xəbərlər:
Əhməd Əhmədzadənin vətənpərvərliyi hamıya məlumdurHakimiyyətin susdurmaq metodu davam edirKorona bəlasi davam etməkdədirAzərbaycanda günahsiz həpslər davam edirKorona virus vakasi artırCaqqaln yeni oyunuCəmil bəyin müzakirəsi doğrudurKoronavirus İranda can almağa davam edirKoronavirus müşavirəsiKorona vürusa görə məktəblər bağlandıElmar Hüseyinovun qətlinnən15 il kecirİranda koronavirusdan ölənlər varİranla Azərbaycan sərhəddi bağlandıFariz Hüseynli koronavirusla bağlı danışdıŞəhidimiz varSecki saxtakarı xüsusi təyinatlılardır Qubad İbadoğluMorgan Ortagus Azərbaycan hakkında fikriBirtaniyadan yeni bəyanatMusdafa Hacıbəyli döyüldüSecki saxtakarlıqı davam edirFuad Əhmədlinin Məhkəməsi təxirə salındıCindən gələn tələbələr muainə altına alındıFrank Şvabeni Azərbaycanda olub seckiləri müşahidə edəcəkCin əhvalatı Hakimiyyəti yalana sürüyürAbdullah bin Nasir istefa verdiYenidən oxumalısınızMənim şikayyətim pasportla bağlıdır Əli KərimliPolad Aslanovun məhkəməsi olacaqDəyərlər qorunmalıdırYenədə hörmət sahibiyikXəstəlikdən qorunaqXalqı zəhərləyən şirkətlərİttiham vəkilə səyfən verilibDolların məzənnəsi stabilliyini qoruyurTürkiyə Suriyada şəhid verdiHakimiyyətin yeni hədə növüAzərbaycanla bağlı qərar olacaqSecki qərarı verildiSuraxanı rayonundan mən secilməliydim Mehman HüseynovYerlərdə sürünən Əli Həsənovİlham Əliyevə körpə məktubuSəsi cıxanı kəsərik Azərbaycan hakimiyyətinin islahatıYeni hesabat var ATƏT-dənGənclərin yeni şüarıAzərbaycan banisinin yeni kitabı işıq üzü gördüJurnalistin işinə baxılmadıHəpsdə olan gənclər aclıqa başladıSeckilərdə saxtakarlıqlar varAXCP həpslər davam edirAzərbaycanın qurucusu qəlblərdə yaşayırGənc qadın özünə qəst etdiOqtay Gülalıyev yaxşılaşırQarabağdan dünya danışır“Eurohome” tikinti materialları bazarı yanırSuriyanın taleyi həll olunurYüksələn NazirliyimizBakıda və Abşeronda tutqun hava şəraiti olacaqAyaz Quliyev "Spartak" klubunu tərk edə bilər.Xacmaza yeni polis rəisi təyin olunduOqtay Gülalıyevin vəziyyəti ağır olaraq qalır.Milli Məclis sabah toplanırTarixi saxtalaştırdınızCəmil Həsənlinin sualı varQardaşların görüşü varQarabağın anti siyasətiYAP Parlament buraxılsın deyirOqtay Gülalıyevdən yeni xəbər varHakimiyyətin yeni oynuSonunda doğru sözlərHava necə olacaqErməni əsgər intihar edibAXCP Asif Yusifli azadlıqdaAzərbaycanda yeni partiya yaranırBakıya giriş bağlanıbBakı Dövlət Universitetində kütləvi zəhərlənməKÜPƏ GİRƏN QARI KRESLONU TƏHVİL VERƏCƏKDuma görüşü bu gün olacaqRüfət Səfərovun təxribat planıAzərbaycandan olan İŞİDcilər geri dönürİranda iğtişaşlar davam etməkdədirBaş redaktorun məhkəməsi başlayıbMilli Şura bəyanat yayıbHər zaman azadlıqdaAzәrbaycanın Almaniya problemiOqtay Gülalıyevin ağ ciyərinə infeksiya düşübYeni bəyanatımız polis təziqləridirArif Hacılı saxlanıldıBu gün Konstitusiya günüdürDualarımızı Oqtay Gülalıyevdən əksik etməyəkAzərbaycan Hakimiyyətinin müxalifətcilərə basqısı davam edirHakimiyyətin Müsavatdan qorxduğunu sübut edirSağlamlığımızı qoruyaqŞahmatçımız dördüncü turda oynayacaqSeysmoloji Xidmət Mərkəzinin məlumatı varNoyabrın 12-də mitinq var Bakı Şəhər İcra Hakimiyyətinin qarşısıAzər İsmayıl polisə cağrıldıİlham Əliyevin kini Fuad Qəhrəmanlını zindanda tuturIşın Karaca və Tuğrul Odabaş boşanır.Ərdoğanı və Trampa telefon söhbətiAğdamın “Qarabağ” kulubu oyun öncəsi son məşqini keçirib.