Paşayevlərin neft keyfi

Paşayevlərin neft keyfi
  • 13-12-2019, 10:17
  • 5916 dəfə oxunub

Ölkədə bütün siyasi gedişlər Paşayevlər erasına hazırlıqdan xəbər verir. İlham Əliyevin hakimiyyətdə olduğu son 16 ildə ölkənin bütün gəlirli sahələri onların əlinə keçib. Ailənin milyardlarla səhm kapitalına sahib olan şirkət və bankları ölkəni, faktiki, zəbt edib. Amma tamah sərhəd tanımır, özəl sektordakı bütün rəqiblər sıradan çıxarıldıqdan sonra növbə çatıb dövlət şirkətlərinə. Etibarlı mənbələrdən aldığımız məlumata görə, hökumət SOCAR-ı özəlləşdirməyə hazırlaşır və Paşayevlər dövlət neft şirkətini də rəsmən ələ keçirmək üçün qovluqlarını hazırlayıblar. 25 il bundan əvvəl “Əsrin müqaviləsi” imzalananda bir əcnəbi jurnalist yazmışdı ki, BTC boru kəməri Azərbaycan neftini Avropaya vuracaq, Avropa da oradan geriyə demokratiya ixrac edəcək. Kəmər nefti məlum ünvana vurdu, amma Azərbaycan insanı nə demokratiya gördü, nə də qazanc. Neftdən gələn 200 milyarda yaxın vəsaiti Əliyevlər hakimiyyəti göyə sovurub axırına çıxdı. “Azərbaycan Dövlət Neft Şirkəti (SOCAR) də beynəlxalq standartlara cavab verən bir şirkətə çevrilmədi. Bu həm də Azərbaycan iqtisadiyyatını neftdən asılı elədi, hakimiyyətdə arxayınçılıq yaratdı”. İqtisadçı-alim Qubad İbadoğlu müqavilənin 25 illiyi ilə bağlı fikirlərini belə dəyərləndirib. SOCAR beynəlxalq şirkətə çevrilmədi, amma ailə hakimiyyəti üçün öz rolunu “layiqincə” oynadı. İndi də gündəmə onun müəyyən faizinin özəlləşməsi məsələsi gəlib. Sadə vətəndaşlar dövlətin şirkəti olaraq SOCAR-dan bir xeyir görməsə də, hakim ailənin üzvləri onun milyardları sayəsində ofşorlara qədər gedib çıxıblar.

SOCAR-ın fəaliyyət şəbəkəsi haqqında mətbuatda getmiş rəsmi məlumata bir daha diqqət edin: “SOCAR-ın təsisçiliyi ilə fəaliyyətləri neft və qaz sənayesinin, demək olar ki, bütün sahələrini əhatə edən 36 birgə müəssisə, 6 alyans, xarici ölkələrdə törəmə şirkət və nümayəndəliklər yaradılmışdır. SOCAR və onun törəmə şirkətləri 15 ölkəni təmsil edən 23 şirkətlə imzalanmış 17 hasilatın pay bölgüsü sazişlərinin (HPBS) iştirakçısıdır. Bu sazişlərin podratçıları 1995-2016-cı illərdə ölkəmizin neft-qaz sektoruna, ümumilikdə, təxminən, 68,2 milyard ABŞ dolları məbləğində sərmayə qoymuşlar. Şirkət Türkiyə, Gürcüstan, İsveçrə, Ukrayna, Rumıniya və Rusiya kimi ölkələrlə yanaşı, Yaxın və Uzaq Şərq ölkələrində də layihələr həyata keçirir. Hazırda Tbilisi şəhəri istisna olmaqla, bütün Gürcüstan üzrə regional qaz distribusiya şəbəkəsinin 95 faizi SOCAR-ın nəzarətindədir və əhalinin, eləcə də sənayenin təbii qaza olan tələbatını tam təmin edir. SOCAR-ın Gürcüstan bazarında geniş yanacaqdoldurma məntəqəsi (YDM) şəbəkəsi də var. “SOCAR Energy Switzerland” İsveçrə bazarında neft məhsullarının topdan və pərakəndə satışı ilə məşğuldur. 2012-ci ildə SOCAR və “ExxonMobil” şirkətləri arasında imzalanan müqavilə əsasında “Esso Switzerland” şirkətinin aktivləri SOCAR-ın nəzarətinə keçib.” Rəsmi qəzetdə getmiş bu qısa xülasəni oxuyan düşünər ki, şirkətin ölkəyə gətirdiyi gəlirlərlə on il bundan sonrakı nəsilləri də yağ-bal içində yaşatmaq olar. Yaxşı, dünyanın bu qədər ölkəsində qaz vurub, qazan dolduran şirkətin milyardları hara gedir görəsən?

Ölkə insanına fayda gətirməsi o yana qalsın, dünyanın harasında Azərbaycanla bağlı bir kriminal əməl aşkar olunsa, içindən SOCAR çıxır. Şirkətin prezidenti Rövnəq Abdullayevin oğlunun İbizada 2 milyonluq saatı oğurlananda İspaniya polisi şikayətdən şoka düşdüyünü bildirmişdi. Beynəlxalq Jurnalist Təhqiqatları təşkilatına açıqlama verən polis bildirmişdi ki, “müstəntiqlər indiyədək belə bir şey görməyiblər.” Təsəvvür edin ki, SOCAR-ın illik hesabatına görə, 2018-ci ildə şirkətin prezidentinin və 12 vitse-prezidentinin rəsmi maaşları və gəlirlərinin ümumi həcmi 1.28 milyon manat (755 min dollar), yəni oğurlanan saatın dəyərindən az olub. “Global Witness” təşkilatının təmsilçisi də “SOCAR rəsmiləri və qohumlarının rəsmi maaşlarından dəfələrlə baha saatlar taxdıqlarını“ yazmışdı. Həmin təşkilat SOCAR-ın ən azı 48 sövdələşməsində adı keçən şirkətlərlə Anar Əliyev adlı şəxsin bağlılığını qeyd etmişdi. Bunlardan təkcə birində Azərbaycan neftinin xaricə satışı ilə məşğul olan “Socar Trading SA” şirkətindən Anar Əliyevin qazancı 100 milyon dollardan artıq olub. Və bu adamın Rövnəq Abdullayevin ən yaxın qohumu, dayısı oğlu olduğunu artıq bilirsiniz. Sizcə bu qədər pulu şirkət prezidentinin qohumu öz cibinə qoyub? Əsla. O, sadəcə, həmin vəzifəyə təyin olunmuş vasitəçidir. Pullar da məlum ünvana gedir, Əliyev ailəsinin ofşorlara yatırım edən şirkətlərinə. “Washington Times” qəzetinin məlumatına görə, Əliyevlər ailəsi Azərbaycana məxsus 48 milyard dolları oğurlayaraq ofşor hesablara ötürüb. Son zamanlar yayılan məlumatlara görə Belçikanın aparıcı “Fluxys” sirkətinin Azərbaycanın SOCAR şirkəti ilə böyük korrupsiya əlaqələri aşkarlanıb. Amma İlham Əliyev halından məmnundur. O, bildirib ki, “Əsrin müqaviləsi”, “Şahdəniz” yatağı üzrə imzalanmış və icra edilən müqavilə Dövlət Neft Şirkətini böyük beynəlxalq şirkətə çevirib. “Bu gün həm ölkə daxilində, həm xaricdə Azərbaycan Dövlət Neft Şirkətinin çox böyük fəaliyyəti var. Bizim xaricə qoyduğumuz investisiyalar milyard dollarla ölçülür. Təkcə Türkiyədəki layihələrə 20 milyard dollara yaxın sərmayə qoyulması nəzərdə tutulub ki, onun təxminən yarısı artıq yatırılıb”. Yəni Əliyev demək istəyir ki, hələ də SOCAR vasitəsilə qazana biləcəkləri pullar tükənməyib. Ona görə də, özəlləşdirmə planı ilə dövrəyə Paşayevlər girir. Bəs necə, ölkənin bütün pulları artıq bir əldə toplanmalı, açarı da vitse-diktatorda olmalıdır. Pulu hara, necə xərcləməyi o hamıdan yaxşı bilir.

Rəşid İbrahimov


MilliQazet.Info Son Xəbərlər:
Hakimiyyətin susdurmaq metodu davam edirKorona bəlasi davam etməkdədirAzərbaycanda günahsiz həpslər davam edirKorona virus vakasi artırCaqqaln yeni oyunuCəmil bəyin müzakirəsi doğrudurKoronavirus İranda can almağa davam edirKoronavirus müşavirəsiKorona vürusa görə məktəblər bağlandıElmar Hüseyinovun qətlinnən15 il kecirİranda koronavirusdan ölənlər varİranla Azərbaycan sərhəddi bağlandıFariz Hüseynli koronavirusla bağlı danışdıŞəhidimiz varSecki saxtakarı xüsusi təyinatlılardır Qubad İbadoğluMorgan Ortagus Azərbaycan hakkında fikriBirtaniyadan yeni bəyanatMusdafa Hacıbəyli döyüldüSecki saxtakarlıqı davam edirFuad Əhmədlinin Məhkəməsi təxirə salındıCindən gələn tələbələr muainə altına alındıFrank Şvabeni Azərbaycanda olub seckiləri müşahidə edəcəkCin əhvalatı Hakimiyyəti yalana sürüyürAbdullah bin Nasir istefa verdiYenidən oxumalısınızMənim şikayyətim pasportla bağlıdır Əli KərimliPolad Aslanovun məhkəməsi olacaqDəyərlər qorunmalıdırYenədə hörmət sahibiyikXəstəlikdən qorunaqXalqı zəhərləyən şirkətlərİttiham vəkilə səyfən verilibDolların məzənnəsi stabilliyini qoruyurTürkiyə Suriyada şəhid verdiHakimiyyətin yeni hədə növüAzərbaycanla bağlı qərar olacaqSecki qərarı verildiSuraxanı rayonundan mən secilməliydim Mehman HüseynovYerlərdə sürünən Əli Həsənovİlham Əliyevə körpə məktubuSəsi cıxanı kəsərik Azərbaycan hakimiyyətinin islahatıYeni hesabat var ATƏT-dənGənclərin yeni şüarıAzərbaycan banisinin yeni kitabı işıq üzü gördüJurnalistin işinə baxılmadıHəpsdə olan gənclər aclıqa başladıSeckilərdə saxtakarlıqlar varAXCP həpslər davam edirAzərbaycanın qurucusu qəlblərdə yaşayırGənc qadın özünə qəst etdiOqtay Gülalıyev yaxşılaşırQarabağdan dünya danışır“Eurohome” tikinti materialları bazarı yanırSuriyanın taleyi həll olunurYüksələn NazirliyimizBakıda və Abşeronda tutqun hava şəraiti olacaqAyaz Quliyev "Spartak" klubunu tərk edə bilər.Xacmaza yeni polis rəisi təyin olunduOqtay Gülalıyevin vəziyyəti ağır olaraq qalır.Milli Məclis sabah toplanırTarixi saxtalaştırdınızCəmil Həsənlinin sualı varQardaşların görüşü varQarabağın anti siyasətiYAP Parlament buraxılsın deyirOqtay Gülalıyevdən yeni xəbər varHakimiyyətin yeni oynuSonunda doğru sözlərHava necə olacaqErməni əsgər intihar edibAXCP Asif Yusifli azadlıqdaAzərbaycanda yeni partiya yaranırBakıya giriş bağlanıbBakı Dövlət Universitetində kütləvi zəhərlənməKÜPƏ GİRƏN QARI KRESLONU TƏHVİL VERƏCƏKDuma görüşü bu gün olacaqRüfət Səfərovun təxribat planıAzərbaycandan olan İŞİDcilər geri dönürİranda iğtişaşlar davam etməkdədirBaş redaktorun məhkəməsi başlayıbMilli Şura bəyanat yayıbHər zaman azadlıqdaAzәrbaycanın Almaniya problemiOqtay Gülalıyevin ağ ciyərinə infeksiya düşübYeni bəyanatımız polis təziqləridirArif Hacılı saxlanıldıBu gün Konstitusiya günüdürDualarımızı Oqtay Gülalıyevdən əksik etməyəkAzərbaycan Hakimiyyətinin müxalifətcilərə basqısı davam edirHakimiyyətin Müsavatdan qorxduğunu sübut edirSağlamlığımızı qoruyaqŞahmatçımız dördüncü turda oynayacaqSeysmoloji Xidmət Mərkəzinin məlumatı varNoyabrın 12-də mitinq var Bakı Şəhər İcra Hakimiyyətinin qarşısıAzər İsmayıl polisə cağrıldıİlham Əliyevin kini Fuad Qəhrəmanlını zindanda tuturIşın Karaca və Tuğrul Odabaş boşanır.Ərdoğanı və Trampa telefon söhbətiAğdamın “Qarabağ” kulubu oyun öncəsi son məşqini keçirib.Jurnalistə sui qəst olub